Helmimi i 6 fëmijëve në Korçë, procedohen penalisht mjekja dhe drejtoresha e kopshtit
Policia e Korçës ka nisur procedim penal ndaj E.X., 57 vjeçe, mjeke në Pediatrinë e Spitalit Rajonal Korçë, dhe M.K., 60 vjeçe, drejtoreshë e kopshtit ku qëndronin fëmijët.
Procedimi erdhi pasi 6 fëmijë nga i njëjti kopsht u paraqitën në spital me simptoma të ngjashme gastrointestinale. Sipas policisë, E.X. dyshohet se nuk ka njoftuar autoritetet për rastet, ndërsa M.K. dyshohet se nuk ka përmbushur detyrimet për kontrollin dhe verifikimin e ushqimit të konsumuar nga fëmijët.
Materialet procedurale i janë referuar Prokurorisë së Korçës për veprime të mëtejshme.
